Маңғыстау облысында Каспий теңізіне шығып, жоғалып кеткен үш адам құтқарылды, деп хабарлайды  Төтенше жағдайлар министрлігі.

Оқиға өткен түні Түпқараған ауданындағы Каспий жағалауында болған. Қатты жел үш адам отырған үрлемелі қайықты жағалаудан ашық теңізге қарай алып кеткен.

Оларды іздеуге ТЖМ құтқарушылары шықты. Іздеу барысында үш адам да табылып, жағаға жеткізілді.

Министрлік мәліметінше, құтқарылғандар медициналық көмекке мұқтаж болмаған.

ТЖМ жел күшейген кезде суға шықпау керегін ескертті.