Атырау облысында қайғылы оқиғаға байланысты аты аталған Ақбаян Мұқанғалиеваның балаларымен кездескен сәті видеоға түсіп, әлеуметтік желіде тарады, деп хабарлайды Oimaqnews.kz turkystan.kz.сайтына сілтеме жасап.

Кадрларда Ақбаян Мұқанғалиеваның жасөспірімдерді бейімдеу орталығында тұрып жатқан балаларымен қауышып, оларды сағынышпен құшақтағанын көруге болады.

Бұған дейін Ақбаян Мұқанғалиеваның тамыз айында психикалық денсаулық орталығынан шыққаны және кейін балаларымен кездескені хабарланған еді.

Қазіргі уақытта ол туыстарының қарауында. Жақындарының айтуынша, Ақбаянның балаларымен араласуы оның эмоционалдық жағдайын жақсартуға және оңалуына оң әсер етуі мүмкін.

Туыстары оның емделуі мен қалыпқа келуіне қажетті жағдай жасап жатыр. Олар Ақбаянның біртіндеп толық сауығып, балаларымен бірге қалыпты өмірге оралуынан үмітті.