Мохаммад Багер Зольгадр Иран президентінің жарлығымен Ислам Республикасының Ұлттық қауіпсіздік жоғары кеңесінің жаңа хатшысы болып тағайындалды, деп хабарлайды Oimaqnews.kz Arasha.kz.сайтына сілтеме жасап.

Бұл туралы президент әкімшілігінің қоғаммен байланыс жөніндегі басшысы Мохаммад Мехди Табатабаи мәлімдеді.

«Ислам революциясының жоғарғы көшбасшысының мақұлдауымен және президенттің жарлығына сәйкес Мохаммад Багер Зольгадр Ұлттық қауіпсіздік жоғары кеңесінің хатшысы болып тағайындалды», - деп жазды Табатабаи X әлеуметтік желісінде.

Айта кетейік, Зольгадр бұл қызметте 17 наурыз күні Израильдің әуе соққысы салдарынан қаза тапқан Али Лариджанидің орнына келді.