сенбі, 21 қараша, 2026 14:43

Қазақстан және шетел ақпаратын тарататын, түрлі оқиғаларға мамандар көзқарасы мен арнайы сараптама ұсынатын медиа құралы – Oimaqnews.kz. Ойлана білгенге оймақтай ойдың да берері мол.

Байланыс

Дина Төреәлінің дауынан кейін Хабар арнасы түсініктеме берді

Дина Төреәлінің дауынан кейін Хабар арнасы түсініктеме берді
Ол спикерлердің бірі болмақ.

Көпшіліктің сынынан кейін «Хабар» телеарнасы жағдайға түсініктеме берді, – деп хабарлайды Oimaqnews.kz 

Бұған дейін Дина Төреәлі әлеуметтік желідегі парақшасында «Хабар» телеарнасынан жүргізушілікке ұсыныс түскенін айтқан. Ол ұсынысты қабылдап, Астанаға келген соң жобаның редакторы және продюсерімен кездескенін жеткізді.

Алайда бұл жаңалық желі қолданушыларының бір бөлігінің наразылығын тудырды. Олар журналистика саласында білім алған мамандар жұмыс таба алмай жүргенде, телеарнаға кәсіби білімі жоқ блогерлердің шақырылуын сынға алды.

Өзіне айтылған сынға жауап берген Дина Төреәлі жоғары білім туралы пікір білдірді.

«Менің жасым 23-те! Аллаға шүкір, үш балам бар. Оқуды емес, отбасы болуды таңдадым сол сәтте. Оқу, білім алу ешқашан да кеш емес және одан қашпаймын. Бірақ сендер ойлаған бір қағаз диплом ештеңені шешпейді. Потенциалың жоқ болса, 10 дипломың болса да көмектеспейді», – деп жазды ол.

Блогер дипломы болмаса да, жеке кәсібі мен табысы бар екенін айтып, өз ұстанымын қорғады.

Даудың ушығуына байланысты «Хабар» телеарнасы жаңа жобаның форматын түсіндірді. Телеарна мәліметінше, 23 қарашадан бастап «Ой тұмар» атты ток-шоу эфирге шығады.

Бағдарламаның жүргізушілері – Жайна Сламбек, Мөлдір Досбай, Ләйлә Сұлтанқызы және Ақмоншақ Нұртаза. Ал Дина Төреәлі, Лаура Лесбек пен Риза Данияр аптасына бір рет қатысатын негізгі спикерлердің бірі ретінде қарастырылған.

«Жоба әр түрлі буын өкілдерінің пікірін жеткізуге арналған. Алдағы уақытта жасөспірімдерден бастап, аға буынға дейінгі көрермен бағдарламаға қонақ болады, барлық буынның көзқарасына орын беріледі», – деп түсіндірді телеарна.

Осылайша, Дина Төреәлі бағдарламаның тұрақты жүргізушісі емес, пікірталасқа қатысатын спикерлердің бірі болмақ.

Оймақ
Автор

Оймақ

Қазақстан және шетел ақпараттарын тарататын, түрлі оқиғаларға мамандар көзқарасы мен арнайы сараптама ұсынатын медиа құралы – Oimaqnews.kz. Ойлана білгенге оймақтай ойдың да берері мол.

Ұқсас жаңалықтар