Түркияның Алания қаласында 35 жастағы қазақстандық әйелдің арызынан кейін жыныстық сипаттағы зорлық-зомбылық жасап, тонады деген күдікпен Сирияның 24 жастағы азаматы қамауға алынды.
Түркиялық агенттіктің мәліметінше, әйел түнде көшеде жас жігітпен танысқан. Кейін екеуі бірге Сахире Тюзюн көшесіндегі қонақүйге барған.
Біраз уақыттан кейін ер адам қонақүйден шығып кеткен. Осыдан соң қазақстандық әйел 112 қызметіне хабарласып, оның өзіне жыныстық сипаттағы зорлық-зомбылық жасап, ұялы телефонын алып кеткенін мәлімдеген.
Күдікті жағалау жолында ұсталды. Полиция бөлімінде оған аудармашының қатысуымен жауап алынып, кейін сотқа жеткізілді. Сот күдіктіні қамауға алып, тергеу изоляторына жіберді.
Автор
Оймақ
Қазақстан және шетел ақпараттарын тарататын, түрлі оқиғаларға мамандар көзқарасы мен арнайы сараптама ұсынатын медиа құралы – Oimaqnews.kz. Ойлана білгенге оймақтай ойдың да берері мол.
Ұқсас жаңалықтар
