Ақтөбе қаласында қоқыс алаңынан үлкен сөмкеге салынған ер адамның мәйіті табылды, деп хабарлайды Oimaqnews.kz Qaz365.kz.сайтына сілтеме жасап.

Бірнеше күн бойы жатқан сөмкеден күлімсі иіс шығып, қолқаны қабатын сасық иіс сол маңда мүңкіп тұрған. 

Полиция мәйіттің табылғанын растады. Ресми мәліметке сәйкес, қоқыс алаңынан 55 жастағы ер адамның денесі табылған.

«Аталған дерек бойынша қылмыстық іс қозғалды. Қазір оқиғаның барлық мән-жайын анықтауға бағытталған тергеу және жедел шаралар жүргізіліп жатыр. Тергеу мүддесіне байланысты өзге мәліметтер жарияланбайды», — деп хабарлады Ақтөбе облыстық полиция департаменті.