Алматы облысында жеке стоматологиялық клиниканың директоры тегін медициналық көмек аясында көрсетілмеген қызметтерді жүйеге жалған енгізіп, мемлекетке 66 миллион теңге шығын келтірген.
Алматы облысы бойынша Қаржылық мониторинг агенттігінің департаменті тегін медициналық көмек аясында жасалған ірі алаяқтық дерегі бойынша тергеуді аяқтады.
Тергеу мәліметтеріне сәйкес, жеке стоматологиялық клиникалардың директоры Әлеуметтік медициналық сақтандыру қорымен (ӘМСҚ) 450 миллион теңгеден астам сомаға келісімшарт жасасқан. Келісім бойынша клиника азаматтарға міндетті сақтандыру жүйесі арқылы шұғыл және жоспарлы көмек көрсетуі тиіс болған.
Қылмыс қалай жасалған? Күдікті "Damumed" жүйесіне іс жүзінде көрсетілмеген ортодонтиялық қызметтер туралы жалған мәліметтер енгізіп отырған. Заңсыз әрекетін жасыру үшін:
Дәрігерлердің жеке есептік жазбаларын рұқсатсыз пайдаланған;
Клиникаға бұрын келген кәмелетке толмаған балалардың жеке деректерін қолданған.
Нәтижесінде 4 597 жалған медициналық көмек көрсету фактісі анықталды. Мемлекетке келтірілген жалпы шығын 66 миллион теңгені құрайды.
Қазіргі жағдай: Сот шешімімен күдіктінің банктегі 23 млн теңгесі мен құны 29 млн теңге болатын жабдықтары бұғатталды. Тергеу барысында ол 11 млн теңгені өз еркімен қайтарған. Қазіргі уақытта айыпталушы үйқамақта отыр. ҚР ҚПК 201-бабына сәйкес өзге мәліметтер жария етілмейді.
Автор
Оймақ
Қазақстан және шетел ақпараттарын тарататын, түрлі оқиғаларға мамандар көзқарасы мен арнайы сараптама ұсынатын медиа құралы – Oimaqnews.kz. Ойлана білгенге оймақтай ойдың да берері мол.
Алдыңғы мақала
Ұқсас жаңалықтар
