Алматы облысының Талғар қаласында жергілікті тұрғынды өлтірген. Оқиғаның мән-жайын адвокат Асылбек Әбдрайымов баяндап берді. Адвокаттың айтуына қарағанда,  жанжал жылқы саудасына байланысты өрбіген, деп хабарлайды Oimaqnews.kz 

«Әйелі күйеуіне айтпастан жылқы сатып жіберген. Содан туған өкпе-реніштен соң әйелі өзінің анасын көмекке шақырған. Ер адам түнде ұйықтап жатқанда, екеуі оған 30 жерден пышақ жарақатын салған», - деді Әбдрайымов.

Полиция күдіктілерді ұстады, екі әйел де уақытша ұстау изоляторына қамалды.

«Отбасылық-тұрмыстық жанжал негізінде бір топ адам жасаған кісі өлтіру дерегі бойынша қылмыстық іс қозғалды. Тергеу амалдары жүріп жатыр, оқиғаның мән-жайы анықталуда», - деп хабарлады Алматы облыстық полиция департаменті.