
Байзақ және Талас аудандарының тұрғындарының айтуынша, есектердің саны соншалық көбейіп кеткендіктен, үй жануарларына жайылым жетпей жатыр. Жүк артатын жануарлар айналасындағы шөптің бәрін жеп қояды, ал олардың өлекселері өзендерді ластап отыр, деп хабарлайды Oimaqnews.kz turkystan.kz.сайтына сілтеме жасап.
КТК телеарнасының мәліметінше, ауыл тұрғындары екінші жыл қатарынан ауыл маңына көлікпен әкелінген есектерді бақылап келеді. Соңғы есеп бойынша, олардың саны үш мыңнан асып кеткен, әрі олар жолындағының бәрін жеп тастайды.
Биыл ауыл халқы үй малына шөп те жинай алмаған. Бірақ адамдарды ең көп ашуландыратыны — өлген есектердің өлекселері айналада шашылып жатқаны. Ал оларды ешкім жинауға асығар емес.
Белгілі болғандай, есек өсірумен жергілікті кәсіпкер айналысады. Ол жануарларды елдің барлық аймақтарынан сатып алып, Жамбыл облысында еркін жайылымға жіберіп отырған. Ал олардың кейінгі тағдыры белгісіз.
«Біз бірнеше рет иесіне өз табынын жинап алуын сұрап жүгіндік. Бірақ ол уәде беріп, орындамайды. Біз бұл мәселе бойынша тиісті органдар мен ветеринарлық инспекцияға жүгіндік», – деді Байзақ ауданының әкімі Олжас Баққараев.
Облыстық шенеуніктер жануарларды Қытайға жіберу мүмкіндігін қарастырып жатыр. Себебі фудблогерлердің шолуларына қарағанда, ол жақта есек еті жоғары бағаланады.
Оймақ
Қазақстан және шетел ақпараттарын тарататын, түрлі оқиғаларға мамандар көзқарасы мен арнайы сараптама ұсынатын медиа құралы – Oimaqnews.kz. Ойлана білгенге оймақтай ойдың да берері мол.