Кеше Бишімбаев ісі бойынша сот отырысы өткен еді. Сот кешке дейін жалғасты. Сот процесінде Бишімбаевқа сөз берілген. Ол өз сөзінде Нүкеновамен өткен бір жылдық отбасылық өміріндегі барлық жайсыз оқиғаға марқұм әйелін кінәлап, өзін "құрбан" ретінде көрсетуге тырысты. 

Оның бұл әрекеті көпшілікке ұнаған жоқ. Сот отырысынан кейін Бишімбаевтың қоғамға, сот отырысындағы алқабилерге манипуляция жасалып жатқаны әлеуметтік желілерді түрлі пікірлер жаза бастады. Олардың қатарында  Бишімбаевтың бұрынғы әйелі де бар.

«Ол  манипуляция шебері екеніне келісемін.  Тағы да тоқтамай балалар туралы айта береді. Неге екенін, мен туралы да «Салтанатқа жазды» деп айтып жатыр. Мұның бәрі өтірік», – деп жазды Назым Қаһарман әлеуметтік желідегі парақшасында.