Бүгін елімізде «Аналар күні» аталып өтілуде. Бұл мереке жыл сайын мамыр айының екінші жексенбісіне тұспа-тұс келеді, деп хабарлайды Baq.kz.

2023 жылдың маусымында Үкімет мереке күнтізбесіне сәйкес қосымшаны бекітіп, оған қол қойды.

Әлемнің көптеген елдерінде отбасы құндылықтарын дәріптеу, отбасы және тәрбие институтын нығайту мақсатында аталып өтетін ресми мерекелер – Аналар күні мен Әкелер күні біздің елімізде де бекітілді, - делінген Қазақстан үкіметінің 2023 жылғы мәлімдемесінде.

Әлемнің 20-дан аса мемлекеті атаулы күнді мамырдың екінші жексенбісінде атап өтеді.

Қай заманда болсын аналар қауымның қоғамдағы рөлі аласарған емес. Ел демографиясының басты тұтқасы ақ жаулықты аналар «Алтын алқа», «Күміс алқамен» марапатталады.