Оқиға 12 маусымда Қошқарбаев даңғылы мен Жұмабаев көшесінің қиылысында болған.

Әлеуметтік желіде (Threads) куәгерлер оқиға орнынан фото жариялап, шамамен 6-7 жастағы баланы көлік қағып кеткенін жазған.

Астана қаласы полиция департаменті бұл деректі растады. Ведомство мәліметінше, Ford маркалы автокөлік жүргізушісі кәмелетке толмаған велосипедшіге соқтығысқан. Зардап шеккен жасөспірімді бірден ауруханаға алып кеткені хабарланған.

Қазіргі уақытта оқиғаның барлық мән-жайы анықталып жатыр.