Ақтөбе қаласында ішінде жаңа туған сәбиі бар пакет табылды, деп хабарлайды Oimaqnews.kz Qaz365.kz. сайтына сілтеме жасап. 

Ақтөбе облыстық Полиция департаментінің мәліметінше, оқиға 23 мамыр күні болған. Полиция қызметкерлері сәбиді дер кезінде тауып, оны шұғыл түрде медициналық мекемеге жеткізген. Қазіргі уақытта жаңа туған нәресте дәрігерлердің бақылауында және тиісті ем қабылдауда.

«Полициямен баланың анасын анықтауға бағытталған жедел іс-шаралар жүргізілуде», — деп толықтырды облыстық Полиция департаменті.

Қазіргі таңда тәртіп сақшылары оқиғаның мән-жайын анықтау мақсатында тергеу амалдарын жалғастыруда.