Кеше түнде Алматыдағы Шығыс айналма жолында жол апаты болып, салдарынан көлік жүргізушісі қаза тапты.
Ведомствоның баспасөз қызметінің мәліметінше, жол-көлік оқиғасы 5 мамырда сағат 22:35-те Алматының Медеу ауданында болған.
Тәртіп сақшыларының хабарлауынша, Шығыс айналма жолымен солтүстік бағытта келе жатқан Subaru көлігінің жүргізушісі рульді басқара алмай, жол жиегіне шығып кетіп, кедергілерге – жарнама тақтасына және ағашқа соқтығысқан. Содан кейін көлік аударылған.
Жол апаты салдарынан жүргізуші оқиға орнында қаза тапқан.
"Алматы қалалық полиция департаментінің тергеу бөлімі адам өліміне әкеп соққан жол-көлік оқиғасы бойынша қылмыстық іс қозғады", - деп мәлімдеді ПД-ның баспасөз қызметі.
Автор
Оймақ
Қазақстан және шетел ақпараттарын тарататын, түрлі оқиғаларға мамандар көзқарасы мен арнайы сараптама ұсынатын медиа құралы – Oimaqnews.kz. Ойлана білгенге оймақтай ойдың да берері мол.
Алдыңғы мақала
Ұқсас жаңалықтар
