Жаңбыр, жел, тұман: Қазгидромет ауа райы болжамын жариялады

«Қазгидромет» РМК баспасөз қызметі 2026 жылғы 5-7 қарашаға арналған Қазақстан бойынша ауа райы болжамын ұсынды, деп хабарлайды Oimaqnews.kz

Ауа температурасына келсек, батыста түнде 0...+7 °C, күндіз +3...+14 °C болады. Солтүстік-батыста түнде -1...-8 °C, күндіз +1...+15 °C аралығында сақталады.

Солтүстік және орталық өңірлерде түнгі ауа температурасы -3...-8 °C-тан +1...+6 °C-қа дейін жоғарылайды. Күндіз +5...+13 °C-тан +1...+10 °C-қа дейін төмендейді.

Еліміздің шығысында түнгі температура -3...-8 °C-тан 0...+5 °C-қа дейін жоғарылап, күндіз +3...+8 °C-тан +7...+12 °C-қа дейін көтеріледі.

Ал оңтүстік және оңтүстік-шығыс өңірлерде ауа температурасының айтарлықтай өзгеруі күтілмейді.