«Көлсай көлдері» ұлттық паркінде ақкіс бейнекамераға түсіп қалды

Шапшаң әрі сақ аңды орманшылықтың мемлекеттік инспекторы Б. М. Қойшыбаев түсіріп алған.

Ақкіс (Mustela erminea) – сусарлар тұқымдасына жататын шағын жыртқыш. Ол негізінен ұсақ кеміргіштермен қоректенеді. Олардың санын реттеу арқылы табиғи тепе-теңдікті сақтауға үлес қосады.

Бұл аңның ерекшелігі – жүнінің түсі жыл мезгіліне қарай өзгереді. Жазда қоңырқай болса, қыста ақ түске енеді. Мұндай бейімделу ақкіске қар арасында көзге түспей, жауларынан жасырынуға әрі жемтігіне байқатпай жақындауға мүмкіндік береді.