Теңіз жағасында туған күн тойлаған жігіт табылмай жатыр

Маңғыстау облысында Каспий теңізі жағалауында жоғалған Азамат Дүйсеханды іздеу жұмыстары жалғасып жатыр. Lada басылымының мәліметінше, бозбала 7 шілде күні туған күнін достарымен бірге Ақтау қаласынан шамамен 48 шақырым жерде орналасқан O’Mir қонақүйі маңында атап өткен, деп хабарлайды Oimaqnews.kz  Arasha.kz. сайтына сілтеме жасап.

Қазір іздеу жұмыстарына төтенше жағдайлар департаментінің қызметкерлері және жігіттің туыстары мен достары қатысып жатыр.

Алайда туыстары қолда бар техника іздеу жұмыстарын жүргізуге жеткіліксіз екенін айтып отыр.

Отбасы барлық бейжай қарамайтын азаматтардан іздеу жұмыстарына көмектесуді сұрады.