Қазақстан алкоголь тұтыну деңгейі бойынша Орталық Азия елдерінің арасында бірінші орынға шықты.
Сарапшылардың есебінше, жылына 5,4 литр таза спирт шамамен күштілігі орташа 108 литр сыраға немесе бір ересек адамға шаққанда 13,5 литр араққа тең.
Дүниежүзілік денсаулық сақтау ұйымы мен World Population Review бірлесіп жариялаған есепке сәйкес, Қазақстанда 15 жастан асқан бір азамат жылына орта есеппен 5,4 литр таза спирт тұтынады.
Қырғызстан – 3,9 литр;
Өзбекстан – 2,1 литр;
Тәжікстан – 0,7 литр.
Осылайша, Тәжікстан Орталық Азиядағы ең "салауатты" немесе ең аз алкоголь тұтынатын ел деп танылды.
Зерттеу авторлары көрсеткіштердің бос бөтелкелер санына немесе сусын түріне қарай емес, таза спирт көлемі бойынша есептелетінін атап өтті. Бұл тұрғындардың сыра, шарап немесе күшті алкогольдік ішімдіктердің қай түрін көбірек тұтынатынына қарамастан, елдерді объективті салыстыруға мүмкіндік береді.
Сонымен қатар әлемдік рейтингте Қазақстан алкоголь тұтыну деңгейі бойынша көшбасшылар қатарына кірмейді. Қазақстан тізімнің шамамен ортасында орналасқан және бұл көрсеткіш жан басына шаққанда жылына 10-14 литрден астам таза спирт тұтынатын Шығыс және Орталық Еуропа елдерінен айтарлықтай төмен.
Мамандар соңғы жылдары Орталық Азия мемлекеттерінде алкоголь тұтыну деңгейінің төмендеп жатқанын атап өтті.