Қақпашы Шерхан Қалмұрза ауыр жарақат алып, матчты жалғастыра алмады Қазақстандық қақпашы Шерхан Қалмұрза Қызылорда командасына қарсы өткен матч барысында ауыр жарақат алып, ойыннан ерте кетуге мәжбүр болды.

Кездесу кезінде қақпашы өрескел қателік жіберіп, қарсыласқа қауіпті сәт туындатқан. Сол эпизодтан кейін ол допқа талас барысында қатты соққы алып, алаңда жарақаттанды. Медициналық қызметкерлер жедел түрде көмек көрсеткенімен, футболшы матчты әрі қарай жалғастыра алмады.

Ойын эпизодынан кейін Қалмырзаның жағдайы алаңдағы ойыншылар мен жанкүйерлерді алаңдатқаны байқалды. Қақпашы бірден ауыстырылып, қосымша тексерістен өту үшін алаңнан шығарылды. Алдын ала мәліметтер бойынша, жарақаттың нақты диагнозы әлі нақтылануда. Дегенмен, кей деректерде оның соққыдан кейін ауыр жарақат алғаны айтылып жатыр.

Желі қолданушылары мен жанкүйерлер футболшыға қолдау білдіріп, тезірек сауығып кетуіне тілектестік білдіруде. Қазіргі уақытта клуб тарапынан ресми мәлімдеме күтілуде.