"Білім шығыстарын аудандық деңгейге беру — алға басу емес": Бибігүл Асылова білім саласындағы рфеорм аға қатысты пікір білдірді
Ол мұндай модель Қазақстанда бұрын да қолданылған және өзінің тиімділігін дәлелдей алмағанын айтады.
Білім саласына бөлінетін шығындарды аудандық деңгейге өткізу жүйелі іркілістерге әкеп соғып, өңірлер арасындағы теңсіздікті тереңдете түсуі мүмкін. Бұл туралы талқыланып жатқан реформаға қатысты пікір білдірген бұрынғы Білім вице-министрі Бибігүл Асылова мәлімдеді, деп хабарлайды Oimaqnews.kz Qaz365.kz.сайтына сілтеме жасап.
Оның айтуынша, мұндай модель Қазақстанда бұрын да қолданылған және өзінің тиімділігін дәлелдей алмаған. Ал қазіргі жағдайда оны қайта енгізу қауіптірек болмақ.
Сарапшы бұл жерде әңгіме орасан зор қаржы туралы болып отырғанын ескертті. Оның пайымдауынша, жүйе мұндай ауыр жүктемені көтере алмай қалуы мүмкін.
Асылованың пікірінше, ең басты қауіп – аудандық буынның мұндай ресурстарды басқаруға дайын еместігінде. Ол көптеген аудандарда тиісті қаржы қызметтерінің жоқтығын алға тартты.
Сонымен қатар, реформа басқару процесі мен шешім қабылдау тетігін қиындатып жіберуі мүмкін.
Тағы бір өзекті мәселе — цифрландыру және қаржы ағындарының ашықтығы. Экс-министрдің айтуынша, барлық аудандардан деректерді жинап, біртұтас жүйеге топтастыру — өте күрделі міндет. Бірыңғай цифрлық есеп болмаса, басқару мен бақылау сапасы төмендейді.
Асылова білім мен денсаулық сақтау сияқты салалық ерекшеліктерді ескерудің маңыздылығын да айтты:
Децентрализация процесі қосымша теңестіру тетіктерінсіз жүзеге асса, өңірлер арасындағы алшақтықты ұлғайта түспек.
Дегенмен, ол аудандардың өкілеттігін кеңейтуден түпкілікті бас тарту керек деген ойдан аулақ. Тек басымдықтарды басқаша белгілеу қажет деп санайды.