Журналист Гүлбану Әбенова әлеуметтік желіде кәсіпкер Тұрсын Алагөзов пен продюсер Баян Мақсатқызы туралы пікір білдірді, деп хабарлайды turkystan.kz.

Журналист өз жазбасында табыс әкелетін өнімдерді өндірушілердің өзі оны қолданбауы жиі кездесетін жағдай екенін атап өткен.

«Адам өзі қолданбайтын өнімдерден миллион табады. Тіпті сусындарын да ішпеуі мүмкін — бірақ сол арқылы миллиардтар табады», – деп жазды ол.

Сондай-ақ Әбенова Цесна өнімдеріне қатысты сын айтты.

Оның айтуынша, қаптамада көрсетілген салмақ пен нақты өнім мөлшері сәйкес келмейді.

«Біз етке арналған қамырды көптен бері “Цеснадан” алып жүрміз. Бұрын да жазғанмын: қаптамада көрсетілгеннен салмағы аз болып шығады. Бұл – адал іс емес», – деді журналист.

«Пиар үшін пәтер таратып жатыр. Бірақ әзірге ол үйлерге ешкім кірмеген — адамдар тек сертификатқа қуанып отыр. Неге соның орнына қызметкерлерге өздері 15–20 миллионға пәтер ала алатындай лайықты жалақы төлемеске? Оның орнына төмен жалақы, “сыйлықтар” және өз байлығын жарнамалау ғана», – деп жазды ол.