Жұмадағы ауа райы: дауылды ескерту жарияланды
Бұл туралы «Қазгидромет» РМК хабарлады.
Қазақстанның 15 облысында жұма күніне дауылды ескерту жарияланды. Бұл туралы «Қазгидромет» РМК хабарлады.
Өңірлер бойынша ауа райы болжамы:
Ұлытау облысы: 27 наурызда облыстың солтүстігінде, шығысында және орталығында тұман күтіледі. Шығыстан соғатын желдің екпіні таңертең және күндіз облыстың батысы мен солтүстігінде 15-20 м/с жетеді.
Қарағанды облысы: Облыстың батысында, солтүстігінде және шығысында тұман болады. Желдің екпіні облыстың оңтүстігінде 15 м/с жетеді. Қарағанды қаласында кей уақыттарда тұман түседі.
Маңғыстау облысы: Батыс, оңтүстік және орталық аумақтарда жаңбыр жауып, найзағай ойнайды. Түнде және таңертең батыста тұман, күндіз солтүстік-шығыс пен орталықта шаңды дауыл күтіледі. Желдің екпіні 15-20, кей жерлерде 23 м/с дейін күшейеді. Ақтауда түнде және таңертең тұман болады.
Түркістан облысы: Күндіз таулы аудандарда найзағай ойнап, желдің жылдамдығы 15-20 м/с жетеді.
Ақтөбе облысы: Облыстың солтүстігі мен орталығында желдің екпіні 15-20 м/с болады. Ақтөбе қаласында күндіз жел 15 м/с дейін күшейеді.
Атырау облысы: Батыста тұман түсіп, шығыста желдің екпіні 15-20 м/с болады.
Жамбыл облысы: Оңтүстікте және таулы аймақтарда тұман, солтүстік-шығыста шаңды дауыл күтіледі. Желдің екпіні 15-20, кей жерлерде 23 м/с жетеді. Таразда түнде және таңертең тұман болады.
Алматы облысы: Шығыста және таулы аудандарда желдің екпіні 18 м/с дейін жетеді.
Павлодар облысы: Облыстың батысында, солтүстігінде және шығысында тұман, жолдарда көктайғақ болады. Павлодар қаласында 26-29 наурыз аралығында ауаның ластануына байланысты бірінші дәрежелі ескерту жарияланды.
Абай облысы: Солтүстікте көктайғақ, түнде және таңертең тұман күтіледі. Оңтүстік-батыс пен оңтүстікте желдің екпіні 15-20 м/с.
Шығыс Қазақстан облысы: Солтүстікте көктайғақ пен тұман күтіледі. Күннің жылынуына (5-13°C) және жауын-шашынға байланысты қардың қарқынды еруі, өзендерде су деңгейінің көтерілуі және су басу қаупі бар.
Қостанай облысы: Солтүстік пен шығыста тұман, жолдарда көктайғақ болады.
Солтүстік Қазақстан облысы: Солтүстік, шығыс және оңтүстік аймақтарда тұман мен көктайғақ күтіледі. Петропавлда да тұман мен көктайғақ болады.
Ақмола облысы: Батыста, солтүстікте және шығыста тұман түсіп, жолдарда көктайғақ болады. Көкшетауда тұман, Астанада жолдарда көктайғақ күтіледі.
Батыс Қазақстан облысы: Батыс, солтүстік және шығыс аумақтарда тұман болады. Орал қаласында түнде және таңертең тұман күтіледі.