Бұл мереке моңғол халқы үшін ең маңызды рухани және отбасылық мейрам саналады.

Цагаан Сар («ақ ай») – жаңа жылды луналық күнтізбе бойынша қарсы алу ғана емес, сонымен бірге отбасы мен қоғам арасындағы рухани байланысты нығайту, үлкендерге ізет көрсету және жаңа бетбұрыс жасау мерекесі. Президент Ухнаагийн Хурэлсүх өз құттықтауында бұл мерекенің халқымыз үшін ерекше маңыздылығын атап өтіп, ұлттық дәстүрлер мен тарихи мұраны сақтаудың маңызы туралы айтты. Ол «Цагаан Сар – халықтың рухани бірлігі мен ұлттық ерекшелігін бейнелейтін мереке» екенін ерекше атап көрсетті

Сонымен қатар елдегі шетел елшілері мен дипломатиялық өкілдер де моңғол халқына жылы лебіздерін жолдауда. Мысалы, Игавахара Масару – Жапония елшісі Цагаан Сар мерекесімен құттықтап, бақыт пен ынтымақтастық тілектерін жеткізді - деп. centralasia.media сайты жазды.

 Мерекеге тән дәстүрлер

Цагаан Сарды тойлау бірнеше күнге созылады. Бұл уақытта:

«Золголт» атты ерекше сәлемдесу рәсімі жасалады — жас өспірімдер әулеттің үлкендеріне арнайы барып «Амaр бaйнa уу?» (« Амансыз ба?») деп алдынан өтіп, сәлем береді.  Үлкендер кішілерге молшылық пен береке тілеп, сыйлықтарын табыстайды.  Отбасы мүшелері үйлерін тазалап, дәстүрлі тағамдар – бууз ), ул боов, айраг (қымыз) және басқа да дәмді тағамдармен қонақтарды қарсы алады. Көптеген адамдар туған туысқандарымен ұзақ сапар жасап, бір-бірімен кездесу үшін жолға шығады — бұл отбасылық байланысты нығайтуға бағытталған. 

Туған-туысқандар, достар мен әріптестер мерекемен бір-бірін құттықтап, жаңа жылдың амандық, бақыт, молшылық пен денсаулық әкелуін тілейді. Дәл осы кезеңде «Сар шинэдээ сайхан шинэлээрэй!» («Жаңа жылыңмен шын жүректен құттықтаймын!» деген мағынада)  дәстүрлі тілектер кеңінен айтылады. Цагаан Сар — бұл тек күнтізбелік жаңа жыл емес, сонымен бірге моңғол халқының рухани мәдениеті мен тарихи дәстүрінің маңызды белгісі. Оның салтанатты тойлануы елдің ұлттық мәдениетін әлемге танытуға және ұрпақтан-ұрпаққа жалғасатын рухани байлықты нығайтуға үлкен үлес қосады.