Доллар қымбаттап жатыр

Қазақстан қор биржасындағы (KASE) күндізгі сауда қорытындысы бойынша бір доллардың орташа өлшемді бағамы 508,3 теңгені құрап, 3,69 теңгеге көтерілді, деп хабарлайды Oimaqnews.kz turkystan.kz.сайтына сілтеме жасап.

Қазақстан Ұлттық банкінің 8 желтоқсандағы ресми доллар бағамы – 504,49 теңге.

Kurs.kz сайтының мәліметінше, қазіргі уақытта Алматыдағы айырбастау пункттерінде доллардың орташа сатып алу бағамы – 510,94 теңге, сату бағамы – 513,59 теңге. Астанадағы айырбастау пункттерінде доллар орташа есеппен 508,82 теңгеден сатып алынып, 586,27 теңгеден сатылуда. Шымкентте доллар орта есеппен 510,68 теңгеден сатып алынып, 512,95 теңгеден сатылып жатыр.

Еске салайық, 1 желтоқсан күнгі күндізгі сауда қорытындысы бойынша доллардың орташа өлшемді бағамы 0,88 теңгеге көтерілген, 2 желтоқсанда – 4,8 теңгеге төмендеген, 3 желтоқсанда – 4,07 теңгеге, 4 желтоқсанда – 3,98 теңгеге төмендеген, ал 5 желтоқсанда 3,89 теңгеге өскен.