Жетісайдағы өрттен 9 бала қаза тапты
Тергеу нәтижесі бойынша тиісті процессуалдық шешім қабылданады.
Түркістан облысында жеке үйдегі өрт салдарынан 12 адамның қаза болуына байланысты полиция тергеу бастады, деп хабарлайды Oimaqnews.kz turkystan.kz. сайтына сілтеме жасап.
Бала құқықтары жөніндегі уәкіл Динара Закиева 18 қараша күні таңертең Жетісай ауданы, Алғабас ауылында болған қайғылы оқиға туралы кейбір мәліметтерді жариялады. Жеке тұрғын үйдегі өрттен 12 адам қаза тапты, олардың тоғызы — бала.
Түркістан облысы полициясының хабарлауынша, Жетісай ауданындағы өрт фактісі бойынша «Өрт қауіпсіздігі талаптарын бұзу» бабы бойынша қылмыстық іс қозғалды.
Тергеу нәтижесі бойынша тиісті процессуалдық шешім қабылданады.