№56 мектеп-гимназия ғимаратын бұзу туралы ақпарат шындыққа жанаспайды
Мектепте күрделі жөндеу жұмыстары жүріп жатыр.
Алматы қаласының Құрылыс басқармасы әлеуметтік желілер мен БАҚ-та тараған К.Сәтбаев атындағы №56 мектеп-гимназия ғимаратын бұзу туралы ақпараттың шындыққа жанаспайтынын жеткізді, деп хабарлайды Qaz365.kz.
Жоба аясында қазіргі заманғы білім беру стандарттарына сай оқу кеңістіктерін құру көзделген.
Негізгі және бейіндік пәндер бойынша сабақ өткізуге арналған сыныптар, зертханалар мен кабинеттер жаңартылады. Химия, физика және биология кабинеттері заманауи зертханалық құрал-жабдықтармен қамтамасыз етіліп, оқушыларға тәжірибелік дағдыларды меңгеруге және зерттеу жұмыстарын жүргізуге мүмкіндік береді.
Жоба құрамында көпфункционалды спорт кешенін салу да бар. Мектеп аумағында ашық спорт алаңдары пайда болады.
Сонымен қатар кең демалыс аймақтары, заманауи асхана, кітапхана, оқу залдары және мультимедиялық құралдармен жабдықталған үйірме бөлмелері қарастырылған.