Димаш Құдайберген Дубайда DIAFA жүлдесінің иегері атанды, деп хабарлайды Oimaqnews.kz   

Әнші Instagram-дағы парақшасында ұйымдастырушыларға алғысын білдірді.

«DIAFA-ға өнерге қосқан үлес үшін берген сыйлыққа рахмет. Рахмет, Дубай, рахмет, DIAFA», – деп жазды Димаш Құдайберген.

Айта кетейік, DIAFA (Distinctive International Arab Festivals Awards) – Дубайда жыл сайын өткізілетін халықаралық премия. Ол өнер, мәдениет, бизнес және гуманитарлық жұмыстарға қосқан үлестері үшін әртүрлі елдердің көрнекті тұлғаларын атап өтеді. Лауреаттар жетістіктері мен халықаралық сахнадағы ықпалы үшін таңдалады.